تخط إلى المحتوى

مساحة تكفيك،
عند جيرانك.

كراجات وغرف وأحواش فاضية قريبة منك، بالساعة أو اليوم أو الأسبوع أو الشهر أو السنة.

وش تبي تخزن أو تركن؟

افتح الخريطة كاملة

مساحات جاهزة

شوف الكل

لها مكان، ولا يهمك.

مع حيز

تبي تخزن؟ بسيطة.

  1. دور قريب منك

    على الخريطة، بالحي ونوع الأغراض. الموقع الدقيق ما ينكشف إلا بعد القبول.

  2. احجز وادفع

    ما تدفع إلا بعد قبول المؤجر وموافقتكم على العقد، والمبلغ يبقى محجوز لين تأكدون التسليم.

  3. صور وسلم

    تصور أغراضك وقت التسليم، والمؤجر يؤكد. الصور محفوظة وما تنعدل.

  4. ارتاح

    تختار المدة من ساعة لسنة، والحجز الطويل ينسحب تلقائي كل دورة. تبي تطلع؟ تطلب إنهاء وتستلم بالصور.

الأسئلة الشائعة

عندك سؤال؟

أهم اللي يسأل عنه المستأجرين والمؤجرين. وإذا ما لقيت جوابك، تواصل معنا من حساباتنا.

وش الأغراض الممنوعة؟

المواد القابلة للاشتعال أو المتفجرة، الكيماويات، الأسلحة، الأكل اللي يخرب، الحيوانات، وأي شي غير نظامي. والأموال والمجوهرات الثمينة ممنوعة إلا بتأمين خاص.

متى ينسحب المبلغ؟

ما ينسحب شي مع الطلب. بعد قبول المؤجر توافقون على العقد وتدفع، والمبلغ يبقى محجوز لدى مزود الدفع لين تأكدون الاثنين التسليم. والحجز الشهري يندفع في بداية كل شهر.

وش يصير لو المؤجر ما رد؟

المؤجر عنده 24 ساعة يقبل أو يرفض. لو ما رد، الطلب ينلغي تلقائيا وما ينخصم منك شي.

كيف أضمن حالة أغراضي؟

وقت التسليم تصور أغراضك في المساحة والمؤجر يؤكد، ونفس الشي وقت الاستلام. الصور محفوظة بوقتها وما تنعدل، وهي الدليل لو صار خلاف.

متى أعرف العنوان الدقيق؟

قبل الحجز تشوف الحي والموقع التقريبي بس. العنوان الكامل يوصلك بعد ما يقبل المؤجر طلبك.

وش هو تمييز الإعلان؟

ميزة اختيارية للمؤجر: إعلانك يطلع بشارة «مميز» وإطار ذهبي خفيف في البحث والخريطة، ويتقدم شوي في الترتيب. التفعيل مجاني، وما نأخذ شي إلا لما يوصلك حجز وهي مفعلة: 5٪ من الإيجار تنخصم عند التسوية وتنكتب في العقد.

أقدر أحجز أو أعرض باسم منشأة؟

إيه. أضف حساب منشأة بسجلك التجاري ورقمك الضريبي، وبدل بين حسابك الشخصي والمنشأة من القائمة فوق.

عندك مساحة فاضية؟

خلها تدخل لك كل شهر، وأنت تحدد السعر.

اعرض مساحتك
حيز — مساحات تخزين ومواقف للإيجار قريبة منك